XXV ANIVERSARIO
Neste ano 2024 cúmprense 25 anos da fundación da nosa Asociación. O que comezou como un pequeno clube de futbol é agora unha entidade consolidada e que forma parte da sociedade betanceira.
25 anos apostando pola cultura do pobo e sendo expresión da realidade da nosa vila. Uns anos marabillosos nos que traballamos por dinamizar a vida cultural e social de Betanzos desde un punto de vista popular e aberto á cidadanía.
Apostando polo Casco Histórico de Betanzos e por implicarse en todo o que teña que ver coa recuperación desta zona da nosa vila.
A defensa da língua e a cultura do noso pais, o respecto ao medio ambiente e a igualdade entre as persoas con independencia das súas orientacións son os eixos da nosa vida societaria dende a súa fundación.
Como primeiro acto das celebracións que se van a realizar ao londo de todo 2024, presentamos o LOGO CONMEMORATIVO DO XXV ANIVERSARIO, feito polo artista betanceiro Jorge Pérez, e presentado na pasada Cea de Nadal da Asociación.