PRESENTACIÓN DO FILME “XORIMA”.
25/09/2024 — 20:00 H
📣 Nova proxección!
Co motivo do 25 aniversario da Asociación Lar de Unta, presentamos en Betanzos o documental producido no seo do Proxecto Xorima. No evento contaremos coa presenza da directora Sofía Naseiro.
🎞 O documental Xorima é o reencontro dos integrantes do grupo de folk galego Xorima despois de 40 anos e o retrato da súa influencia na xénese do universo do folk galego actual. A reivindicación da cultura propia, os cambios sociais e culturais da Transición, a aventura e o desafío duns mozos que se abren ao mundo exterior, o sentimento de agradecemento e amizade entre os protagonistas desta historia e mais o legado musical que nos deixan son os temas que vertebran esta pequena homenaxe audiovisual.
🏆 O documental, dirixido por Sofía Naseiro, gañou o premio á mellor curtametraxe da sección galega do IX Festival de Cine de Roca.