Día 23/01/2025 — 20:00 h.
Local de Lar de Unta
Pepito Arriola e Hildegart na factoría de prodixios das irmás Rodríguez Carballeira
A comezos do século XX entre Betanzos e Ferrol atopamos á familia Rodríguez Carballeira, que será protagonista dalgúns episodios moi relevantes. O precoz pianista Pepito Arriola foi o primeiro expoñente e a malograda Hildegart Rodríguez a máis famosa de toda esta experiencia familiar. A biografía de Pepito Arriola transita por múltiples lugares en países como Alemaña, Inglaterra, Italia, Holanda, Rusia, Cuba, Canadá, Arxentina ou Estados Unidos, visitando nas súas xiras algúns dos máis relevantes escenarios mundiais. Pero toda esta traxectoria non pode entenderse sen poñelo en contexto coa súa tía Aurora, a súa curmá Hildegart, a súa nai Josefa, o seu padrastro Amado Eugenio Osorio y Zabala ou as súas irmás Carmen e Pilar. Os ingredientes nesta historia de historias entrelazadas son moi variados: precocidade, música, política, éxitos, viaxes, crime, euxenesia, nazis, Persia, etc.
Javie
r Ares Espiño é doutor pola USC e catedrático de piano no Conservatorio Superior de Música da Coruña. Autor de varios libros e artigos nunha liña de investigación sobre o compositor galego-arxentino Carlos López García-Picos.