DIA 10/05/2025 — 12:00 H
LOCAL DE LAR DE UNTA
Nesta nova edición das Conversas do Lar contaremos con Carlos Mirayes. Músico orixinario de Santiago de Cuba, reside dende hai mais dun ano en Betanzos.
A súa traxectoria musical é notoria. Iniciou os seus estudos musicais no piano, despois de tres anos cambia ao saxofón, atopando neste a súa verdadeira paixón.
Miyares iniciou a súa carreira profesional en 1997, co grupo Muralla no seu natal Santiago de Cuba. Graduouse no Conservatorio de Nivel Medio Superior Esteban Salgas no ano 1999 co Mestre Julio César González.
Uniuse a Chucho Valdés & The Afro-Cuban Messengers en 2008 e participou na gravación de Chucho’s Steps, que recibiu un premio GRAMMY ao Mellor Álbum de Jazz Latino.
En 2010 grava o seu primeiro CD en solitario titulado Chucho Valdés Presentando a Carlos Miyares, para o cal exerce como compositor, responsable dos arranxos e produtor musical xunto a Chucho Valdés.
Pouco despois, fundou Carlos Miyares & The Cuban Quintet, actuando en Cuba e no estranxeiro.
Miyares gañou recoñecemento polas súas contribucións ao jazz afrocubano e ao jazz latino, colaborou en máis de 50 Cds e DVDs, así como en música para cinema.
Miyares actuou con Chucho Valdés en numerosos escenarios de prestixio en todo o mundo, incluíndo o Montreux Jazz Festival, North Sexa Jazz, Jazz at Lincoln Center, Jazz in Marciac, Jazz a Vienne, Stockcolm Jazz Festival, Barcelona Jazz Festival, Enjoy Jazz, Marseille Jazz des Cinq Continents, Jazz a Juan, Jazz á Villette, Berklee College of Music, Festival Internacional de Puebla, Festival Jazz Plaza e moitos máis.
Tamén colaborou con artistas como Archie Shepp, Wynton Marsalis & The Jazz at Lincoln Center, Harold López Nussa, Roberto Carcasses, Roberto Fonseca, Horacio “El Negro” Hernández, Omara Portuondo, Carlos Valera, Zuccero, Francisco Céspedes, Antonio Sánchez, entre outros.
O seu lanzamento máis recente é o CD Toma Un co selo EGREM.