🪕💙 Rematamos o curso… pero isto é só un “ata logo”!
Chegamos ao final desta edición do noso Curso de Pandeireta, e só podemos dicir unha palabra: grazas.
En primeiro lugar, queremos expresar o noso máis sincero agradecemento a Miguel, pola súa paciencia, dedicación e bo facer. Grazas ao seu xeito de ensinar, fomos medrando semana a semana ata sentirnos, por momentos, case profesionais da pandeireta.
Pero este curso non sería o mesmo sen cada unha das persoas que participastes nel. Grazas pola vosa implicación, pola ilusión que puxestes en cada ensaio e por facer que cada encontro semanal fose unha experiencia agradable, divertida e enriquecedora. O bo ambiente que se creou é, sen dúbida, o mellor éxito deste curso.
🎶 Xa sabedes que tedes a vosa praza reservada para o vindeiro ano.
📅 A finais de agosto poremos en contacto con todas as persoas interesadas para organizar as inscricións e comezar unha nova edición do curso no mes de outubro.
Agora toca descansar, gozar do verán e seguir enchendo as rúas da nosa vila de música e alegría.
☀️ Bo verán a todas e todos! Vémonos por Betanzos… e moi pronto volveremos facer soar as pandeiretas!
#LarDeUnta #Pandeireta #MúsicaTradicional #CulturaGalega #Betanzos #Tradición #BoVerán
