XOVES 21/04/2022 CINECLUBE LAR DE UNTA
“OCUPACIÓN SA” (2020) de Laura Daudén e Sebastián Ruiz Cabrera
O Vindeiro xoves 21 a Asociación Lar de Unta de Betanzos ven de organizar un pequeno evento para orientarnos sobre o que está a acontecer no Sáhara tras a traición do goberno español aos seus compromisos internacionais para cos habitantes deste territorio e sendo rexeitado recentemente no parlamento español. Proxectaremos o documental “Ocupación SA” e posteriormente
celebraremos un coloquio aberto a todos os participantes con Daniel Seixo, sociólogo e xornalista, así como membro do Colectivo Mar de Lumes.
SINOPSIS
Ocupación S.A. (2020) é o retrato dunha traición. Cun enfoque minucioso e inédito, o documental expón os nomes e apelidos dos empresarios e políticos españois involucrados na explotación económica do Sáhara Occidental, a última colonia de Africa e un dos territorios mais violentos, militarizados e censurados do mundo.
As testemuñas recollidas neste documental tamén revelan a cadea de silencios e mentiras que empeza nos centros de poder europeos e remata nas cidades ocupadas por Marrocos, onde mulleres e homes saharauis resiste á pillaxe e á negación dos seus dereitos.