Autor: lardeunta

Protocolo Desescalada Lar de Unta

PROTOCOLO DESESCALADA

2020-05 Lar – protocolo desescalada

Dende a directiva da Asociación, e co ánimo de ordear o proceso de comezo de uso do local tras a implantación do estado de alarma, temos a ben mandar un pequeno protocolo de desescalada para que todos teñamos en conta unhas condicións mínimas de utilización dos espazos de Lar de Unta.

Este protocolo será publicado asimesmo na páxina web, sección de documento, para a súa consulta por calquera socio en todo momento.

O noso local está incluído nas Salas Culturais de Usos Múltiples polo cal é de aplicación o disposto para a fase 2 de desescalada. As indicacións que se propoñen estarán ao dispor das normas que en cada momento sexan dictadas polo administración polo que pode haber cambios que se recollerán na oportunda modificación no protocolo e que se poderá consultar na páxina web.

Tal e como comentamos no seu día, temos aproveitado o periodo de cuarentena para o saneamento e reparación do tellado polo cal, ata que finalicen as obras e se proceda á súa limpeza non se podería utilizar o local principal. A finalización das mesmas poñerase en coñecemento dos socios no seu momento.

Recibide un cordial saúdo e calquera cuestión no dubidedes en poñervos en contacto con nós.

A DIRECTIVA DE LAR DE UNTA

SELECCIÓN CARVALHO CALERO

Co ánimo de difundir a figura de Ricardo Carvalho Calero e grazas á labor da AGAL como catalizador de todas as homenaxes e da criazón da páxina Carvalho2020.gal , temos a ben reproducir aquí a selección de documentarios seleccionadas nesa páxina con ánimo da súa divulgación.

Carvalho Calero vs. Filgueira Valverde

DECRETO FILGUEIRA

CARVALHO CALERO, A POSIBILIDADE DE RECTIFICAR A HISTORIA

CARVALHO CALERO. AUTODETERMINAÇOM, LINGUA, ESPERANÇA

O PORVIR DA LÍNGUA

Cine Clube Lar de Unta: Decreto Filgueira

DECRETO FILGUEIRA. Documental en homenaxe a Ricardo Carvalho Calero

Filgueira Valverde, o escritor homenageado no Dia das Letras 2015, dá nome a um documento fundamental para entender a história do galego contemporáneo: o “Decreto Filgueira”, que em 1982 oficializou a normativa do galego que chegou aos nossos dias, derrogando as imediatamente anteriores de Carvalho Calero. Decreto Filgueira explica os antecedentes deste acontecimento desde os anos 70.

 

Lar de Unta de paseo con Ricardo Carvalho Calero

Dende a Asociación Lar de Unta queremos rendir unha homenaxe a don Ricardo Carvalho Calero a traverso dun pequeno paseo por varios lugares virtuais que nos poden iluminar sobre a vida e obra desta personaxe fundamental das nosas letras.

A vida de don Ricardo é a vida dunha persoa comprometida con Galiza e co galego dende o seu nacemento en 1910 ata o seu falecemento en 1990.

No seguinte comic feito por un dos pequenos da Asociación podedes ver os fítos mais importantes da súa vida.

 

Enlazamos co texto 2020 Carvalho Calero – biografía e obra aportada por outro socio para poder aprofundar na vida de don Ricardo.

A problemática da nosa língua foi tratada extensamente por Carvalho Calero, en documentos como este que fala sobre a Carvalho Calero – Situaçom presente e orientaçom futura dos problemas gerais da nossa língua que nos fai chegar outro membro da Asociación.

Ricardo Carvalho Calero sempre apostou polo galego como parte dunha visión global do mundo e apostando polo seu reintegracionismo co portugués. Estimaba que o galego tiña que apostar pola súa grafía histórica que era a que tiña de seu e que aínda pervive no portugués.

Por último un socio nos recomenta outro socio tres enlaces fundamentais para aprofundar aínda mais na vida de don Ricardo Carvalho Calero:

Carvallo2020.gal

Real Academia Galega

AGAL

O noso cineclube programa asimismo a proxección do documentario DECRETO FILGUEIRA para invitar a todos a profundizar en Carvalho Calero e a reflexionar sobre a nosa língua.

E para os mais motivados, propoñemos un maratón audivisual para celebrar dende casa por todo o alto o día da nosa língua en SELECCIÓN RICARDO .

Lar de Unta celebra o XLVI Aniversario da Revoluçao dos Cravos con Zeca Afonso

LAR DE UNTA CELEBRA A REVOLUCIÓN DOS CRAVOS

Hoxe estaba prevista a proxeción na nosa sede local do documental de José Afonso ao vivo no Coliseu de Lisboa o 29 de xaneiro de 1983 como conmemoración da Revolución dos Caraveis de 1974 en Portugal.

Trátase do derradeiro concerto de Zeca Afonso e é un documento histórico fundamental da historia de toda a Península.

Ao posterior colóquio ía comparecer no noso local o histórico membro de Fuxan os Ventos e A Quenlla, Mero Iglesias.

Dado que debido á crise do coronavirus non podemos celebrar o evento temos a ben colgar o enlace ao video para que todos os interesados poidan velo e disfrutar deste documento histórico.

 

Suspensión de Actividades de Lar de Unta e Clausura do Local para todo Evento ou Actividade

CLAUSURA DO LOCAL DA ASOCIACIÓN PARA TODO EVENTO OU ACTIVIDADE (13/03/2020)

Ante a situación creada pola pandemia de coronavirus que está a extenderse polo país, dende a dirección da Asociación Lar de Unta entendemos que procede actuar co máximo respecto polas nosas socias e socios e coa vida das persoas.

En espera das decisión que mañá adopte o goberno do estado; dado que entendemos que a nosa función social non é imprescindible para a vida das persoas membros da asociación e atendendo a que os males causados na propagación desta enfermidade poden ser moito peores que os beneficios para os nosos socios e para toda a cidadanía de Betanzos, procedemos a clausurar o local para a realización de calquera evento ou actividade ata nova orde.

Facemos un chamamento ao sentido común de todos os socios e socias, de xeito de que si en algún intre teñen que achegarse por algunha razón ao local, llo comunique á directiva para estar informados.

Betanzos, a 13 de marzo de 2020

A Dirección da Asociación

SUSPENSIÓN DE ACTIVIDADES DA ASOCIACIÓN LAR DE UNTA (12/03/2020)

SERGAS – Teléfono de atención 900400061

   CON DATA DE HOXE, 12 DE MARZO DE 2020,  E ATA NOVO AVISO A ASOCIACIÓN LAR DE UNTA TEN DECIDIDO A SUSPENSIÓN DE TODAS AS ACTIVIDADES A DESENVOLVER NO LOCAL SOCIAL DA ASOCIACIÓN.

   ESTA DECISIÓN ESTÁ BASEADA NA DEFENSA DOS INTERESES DOS SOCIOS E EVITAR A PROPAGACIÓN DO COVID19, COLABORANDO COAS MEDIDAS DE PREVENCIÓN NA DIFUSIÓN DA CITADA ENFERMIDADE.

   POR TODO O ANTERIOR A PROGRAMACIÓN DO CINECLUBE ASÍ COMO AS XORNADAS DE FOLK E VIÑO DO PAIS, CONFERENCIAS E ACTOS DE RESERVAS DO LOCAL QUEDAN APRAZADAS ATA NOVA ORDE.

 

A DIRECCIÓN DE LAR DE UNTA

SUSPENDIDO Cineclube Lar de Unta: “Fios Fora” día 12-03-2020

ESPECIAL 8M

O Cine Clube LAR DE UNTA presenta “Fíos Fóra”, un documental coral sobre as obreiras e o sector do téxtil galego. A produtora Illa Bufarda foi a encargada de elaborar o documental.

CANDO:  12/03/2020, de 20:00 a 22:00
HORARIO: 20:00 h.

Por moi finos que sexan, detrás de todos os fíos que nos rodean hai historias. As mulleres galegas que traballaron no sector téxtil desde os 60 foron a man de obra perfecta e cativa para levantar unha industria xigante que agora se atopa deslocalizada. Este documental fai un nobelo do sector téxtil aquí e fóra, antes e agora. A historia repítese nos fíos doutros lugares, nos nós deste sistema.

Con esta sinopse, e como programación especial adicada ao 8M, o Cine Clube LAR DE UNTA presenta o documental “Fíos Fóra. Historias de obreiras, entre costuras e patróns”, que desde as conversacións de moitas persoas protagonistas narra o que foi o sector do téxtil galego desde o seu nacemento ata a súa deslocalización e o impacto deste modelo industrial.
Illa Bufarda foi a produtora creativa encargada de levar a cabo este traballo coral e diverso en voces e protagonistas, onde participaron ex traballadoras do téxtil en Galicia, personaxes vinculados ao sector empresarial e talleres e traballadoras do téxtil en Marrocos.
O documental culmina un proxecto de 3 anos dedicado á formación e sensibilización sobre a feminización da pobreza no sector téxtil, a denuncia sobre as condicións de explotación das traballadoras e as alternativas para un consumo responsable de roupa.
COLOQUIO:
Ao remate da proxección, teremos o habitual colóquio, nesta ocasión con Miriam Fernandez Otero. Miriam é historiadora, autora do libro AS MULLERES DE INSUA E O LIÑO, e forma parte da Asociación Mulleres de Insua, ademáis de ser unha das titulares da empresa Fusaiola de liño tradicional. Autora de numerosos traballos e artigos sobre o patei.onio da Terra Chá e promotora de proxectos e exposicións de artesanía da provincia de Lugo.
FÍOS FÓRA / ESPECIAL 8M DIA DA MULLER TRABALLADORA
DIA: XOVES 12 DE MARZO
LUGAR: LAR DE UNTA, RÚA PESCADERÍA 3 BETANZOS
HORA: 20:00
ENTRADA DE BALDE
COA COLABORACIÓN DA DEPUTACIÓN PROVINCIAL DA CORUÑA.

SUSPENDIDO Folk e Viño do Pais. 14 Marzo 2020. Musicos da Asmube e Adega Beade

DIA 14-03-2020 , ás 21:00 horas no LAR DE UNTA

   Nesta ocasión o grupo da ASMUBE (Asociación de Músicos de Betanzos) faranse cargo da parte musical e o Viño da D.T.de Betanzos será o da Adega Beade. Nesta ocasión a garrafa de branco lexítimo custará 10 euros e a de Mencía 9 euros.

   A Asociación Lar de Unta, en colaboración con ASMUBE (Asociación de Músicos de Betanzos), o colectivo Pesquedellas, e diversos produtores de Viño do Pais con denominación de Viño da Terra de Betanzos,  organiza unha xornada mensual de FOLK e VIÑO DO PAIS no seu local sito en Rúa Pescadería 3 entre xaneiro e maio de 2020.

 Nesta actividade convertiremos o Lar de Unta na típica adega do pais na que teremos unha actuación folk e a continuación serviremos viño dunha das adegas con denominación de Viño da Terra. Como en calquera adega do viño do pais os asistentes poderán levar os manxares que desexen para acompañar a bebida, sendo que o custe do viño será a escote. A actividade estará aberta a socios ata completar un aforo de 50 persoas, 10 dos cales serán cedidos aos músicos que interveñan.

O primeiro evento foi o sábado 25 de xaneiro coa colaboración dos músicos da ASMUBE e o viño de Adegas Bescansa. A actividade está aberta a non socios en caso de que non se cubra o aforo.

       

Esta actividade ten unha subvención da Deputación da Coruña.

Gala Homenaxe a Rosalía de Castro

Edificio Liceo – Aula de Cultura Xulio Cuns – Día 28-02-2020 ás 19:00 horas

Como todos os anos a nosa Asociación colabora no acto organizado pola Asociación Eira Vella e o Concello de Betanzos  de homenaxe a Roslía de Castro.

O evento se realizará na Aula de Cultura Xulio Cuns e empezará ás 19.00 horas do venres 28 de febreiro.

 

Tres socios formarán parte da escaleta de lectura por parte da nosa Asociación, e podedes atopar mais información na páxina do Concello.

Esperamos que vos animedes a asistir a este evento.

O Concello de Betanzos e a Asociación Cultural Eira Vella organizan a Gala
de Rosalía de Castro para este venres 28 de febreiro

Este venres, 28 de febreiro, ás 19:00 h na Aula Municipal de Cultura terá lugar a xa tradicional homenaxe a Rosalía de Castro que a Asociación Cultura Eira Vella e o Concello de Betanzos organizar nestas datas para conmemorar o Día de Rosalía de Castro, o 24 de febreiro de 2020. Nesta particular lembranza á escritora galega máis universal participará o alumnado do CPR Nosa Señora do Carme “Atocha”, do CEIP Francisco Vales Villamarín e do IES As Mariñas, así como a Asociación Lar de Unta, o Coro de Coirós, o Grupo Azougue da Escola Municipal de Folclore e, por suposto, a Asociación Cultura Eira Vella. Esta homenaxe será conducida por Mariña Erias e Javier Castro, ambos os dous alumnos do IES As Mariñas, que lles darán paso aos nenos e nenas de educación infantil e primaria do CEIP Francisco Vales Villamarín e do CPR Nosa Señora do Carme “Atocha”, e mais aos alumnos e alumnas da ESO deste último centro que lembrará á escritora coa retrospectiva “Rosalía en nós”.
Tamén haberá tempor para a música por conta do alumnado de secundaria do IES As Mariñas e do Coro de Coirós, e para o baile co Grupo Azougue.
Representantes da Asociación Lar de unta lerán o manifesto da Asociación de Escritores e Escritoras en Lingua Galegas “Ambos errantes polo mundo andamos”, de Daniel Asorey, así como creacións propias arredor da figura rosaliana. A Asociación Eira Vella, como coorganizadora do acto terá tamén cun espazo para as lembranzas, da man de Manuel Dans, o seu presidente,Mariña Longueira e Pepe Dopico.
Esta Gala de homenaxe a Rosalía de Castro, que reúne música, baile e lembranzas é un espazo de encontro arredor da figura rosaliana que demostra que está máis viva ca nunca grazas a todas e todos os participantes que se achegan á Aula de Cultura para pór de manifesto a importancia da súa obra e a pegada do seu legado nesta data de celebración arredor do Día de Rosalía de Castro, o 24 de febreiro.