Categoría: Eventos

Día 16/05/2026 — 14:30 h

Local de Lar de Unta

O vindeiro sábado 16 e grazas ao donativo dun xigantesco cochiño por parte dun socio, teremos un xantar bravú.

O aforo será de 40 persoas podendo apuntarse os socios ata o día 7 e os non socios dende esa data ata o día 12 (custo non socios: 10 euros).

Haberá menú especial para os non bravús consistente en churrasco ou cocido a decidir pola organización.

O menú inclúe Entrante, Prato Xabarín, Ensalada, Postre. Bebida (viño sen D.O. e refrescos) incluídos.

Todo polas canles habituais:

Día 24/04/2026 — 20:00 h

CINE ALFONSETTI

O vindeiro venres no Cine Alfonsetti teremos o filme Migas de Pan. Organizado polo Cineclube Lar de Unta en colaboración co Concello de Betanzos.

Migas de Pan , é un poderoso relato denuncia que visibiliza os horrores que a dictadura uruguaia cousou en miles de mulleres. Candidata ao Oscar por Uruguai en 2016, ten varias partes rodadas en Betanzos.

O repons

abel do son foi o betanceiro Dani López de Mandeo Records.

Ao remate d

a proxección teremos un coloquio coa súa directora Maname Rodríguez.

A película é un dram

a inspirada no relato de Liliana Pereira, unha ex presa política da última dictadura de Uruguai (1973-1985).

Sábado 11 de abril de 2026 — 12:00 h

Local de Lar de Unta

O ciclo Conversas no Lar continúa a súa programación cultural coa participación do artista Francisco Martínez Pin, unha figura destacada no ámbito da creación artística vinculada ao medio mariño.

Recentemente, o autor presentou no Museo das Mariñas a exposición “Volta o mar a Betanzos”, na que reúne arredor de medio cento de pezas elaboradas a partir de materiais recuperados do mar. A mostra constitúe unha proposta artística que combina creatividade, sustentabilidade e posta en valor da identidade mariñeira, transformando elementos de refugallo en obras de gran valor expresivo.

Neste contexto, Martínez Pin participará nun novo encontro das Conversas no Lar, sendo retransmitido como sempre pola canle de facebook do Lar de Unta e posteriormente colgada na nosa canle de youtube.

Un espazo para o diálogo cultural

A sesión ofrecerá ao público a oportunidade de coñecer en profundidade o proceso creativo do artista, así como a súa reflexión arredor do mar como fonte de inspiración e como elemento central na súa obra. Trátase dun encontro que promove o diálogo entre arte, territorio e conciencia ambiental, contribuíndo á difusión de propostas culturais comprometidas co entorno.

 

 

Local de Lar de Unta

26/03/2026 — 20:00 h

Estrea de “REFLEXOS DO AMOR ESCURO” de J.A. Jiménez, F. Naviera e G. Rolán.

Este documental parte dunha curtametraxe de ficción, feita por J.A. Jiménez en super 8 mm, no ano 1977, e relata as vivencias duns homes acaecidas na cidade de A Coruña naquela época.

O que Garcia Lorca chamou Amores escuros.

No documental inclúese teatralización dos sonetos sobre ditos amores.

A continuación do filme celebraremos o tradicional coloquio cos directores do documental.

Día 21/02/2026  — 12:00 h

Local de Lar de Unta

Este día teremos con nós a Andoni Parras e Fernando Geijo, dous dos participantes no grupo de Conversas en Galego organizado pola Asociación Lar de Unta.

Ambolosdous falarán con nós do seu interese en aprender a nosa língua aínda que son criados fora da nosa terra, un en Valladolid e outro en  Donosti.

Falaremos amigablemente de como un foráneo ve a situación do idioma, as dificultades para falalo no seu día a día e de como deron o paso de vir ao grupo de conversas en Betanzos.

Unha visión dende fora do noso idioma que nos fará comprender mellor a situación da língua no país.

 

 

DÍA 12/02/2026 — 20:00 h

LOCAL DE LAR DE UNTA

No cineclube no mes de febreiro proxectaremos o documentario Fíos Fora. Neste documental de Illa Bufarda trátanse os fíos que moven o sector textil dende unha óptica afastada do triunfalismo e dando o punto de vista dos traballadores. Como sempre, a continuación faremos o habitual debate.

Unha produción de Illa Bufarda, proxecto cooperativo adicado ao audiovisual que amosa a súa grande creatividade  neste documental.

Por moi finos que sexan, detrás de tódolos fíos que nos rodean hai historias. As mulleres galegas que traballaron no sector téxtil dende os 60 foron a man de obra perfecta e cautiva para erguer unha industria xigante que agora se atopa deslocalizada. Este documental fai un novelo do sector téxtil aquí e fóra, antes e agora. A historia repítese nos fíos doutros lugares, nos nós deste sistema.

Un éxito que agora re-visitamos sen que perda actualidade.

 

LOCAL DE LAR DE UNTA

Como todos os anos celebraremos o Entroido na nosa asociación con unha programación propia así como na participación en todos os eventos que neste días acontecen en Betanzos

Día 15/02/2026 — 18:30 h OBRADOIRO DE FILLOAS E ORELLAS

Día 16/02/2026 — 21:30 h CEA DE COCIDO E FESTA DE DISFRACES

Este ano invitamos novamente aos socios a disfrazarse do que estimen apropiado para poder disfrutar entre todos dun Entroido alegre e divertido. Como sempre tras a cea, haberá baile e festa rachada.

 

VENRES 23/01/2026 — 20:00 h

CINE ALFONSETTI

Estreamos nesta ocasión o  filme de Carlos Amil, “A Casa da Luz” no Teatro Alfonsetti de Betanzos en colaboración co Concello de Betanzos.

Este filme foi rodado en Betanzos e finalizouse no ano 2010. E unha adaptación da novela homónima de Xabier Docampo e Obtivo o premio do público infantil na 5ª edición do Festival Internacional de Cinema para nenos de Galicja, celebrado no 2012

A continuación da proxección teremos un coloquio contando coa presenza do director, Carlos Amil, e do produtor da película, Xoan Xosé Cabanas Cao.

A CASA DA LUZ

A casa da luz recolle a aventura dunha panda de rapaces e rapazas que entran en contacto co mundo da arte e da memoria da guerra dun tempo pasado. Unha aventura que vai acabar por modificar a súa forma de estar no mundo e que constitúe unha reivindicación, tamén, da beleza e da arte. Os cadros que atravesan os protagonistas, obra de grandes pintores como Dalí, Escher ou Palo Ucello, son recreados no libro polo ilustrador Xosé Cobas, empurrando ao lector novo de forma irresistible cara ao mundo da arte.

 

DOMINGO 11/01/2026 — 12:00 h

LOCAL DE LAR DE UNTA

Para inaugurar o ano 2026 temos con nós a tres das Pesquedellas que conforman este proxecto cultural que está a renovar a cultura betanceira e poñendo en valor a cultura propia dende un ponto de vista xove e renovado.

Noelia Fraga, Gala Illanes e Sara Fraga estará representando á Asociación e falarannos de como iniciaron a súa andaina, da recuperación dos Xogos Florais e dos seus proxectos de futuro.

Asemade falaremos de como vemos a cultura betanceira e galega dende o seu ollar xa experimentado.

 

Comezo: Luns 12/01/2026

Hora: 20:00 horas 

A Asociación Lar de Unta, no seu ánimo de promoción do galego ten a ben organizar un grupo de conversas en galego entre xente interesada.

Se chegache hai pouco ao pais e queres aprender o noso idioma, se es galego e non te atreves a dar o paso de falar galego por non sentirte seguro ou ter medo a iniciarte, se sabes falalo pero queres practicalo mais a miúdo podes apuntarte a este grupo de conversas nas que falaremos de diversos temas cada semana nun ambienta agradable e tranquilo.

Non é un curso, é unha aprendizaxe amena e práctica que facilita obter confianza dunha maneira divertida, coñecendo de paso aspectos curiosos e importantes da nosa cultura.

Para apuntarse enviar mail a lardeunta@gmail.com