Categoría: Eventos

Día 16/12/2025 — 19:30 h

Local de Lar de Unta

Neste mes o cineclube Lar de Unta proxecta o filme “Adeus Berta” en presenza dun representante da produtora Kraken Media.

Este filme do ferrolán Fernando Tato, cóntanos a historia de Alicia cando chega a casa de seus pais á A Pobra do Caramiñal para elexir a roupa que levará a súa nai no velorio. Alí reencóntrase coa súa irmá Berta, que acaba de saír do centro de rehabilitación onde está ingresada.

Unha mostra do novo cinema galego que Lar de Unta ten o gosto de presentar na nosa vila.

Como sempre, tras a proxección haberá un coloquio entre os presentes.

Día 20/12/2025 — 21:30 h

Local de Lar de Unta

Como todos os anos imos celebrar o vindeiro día 20 de decembro a Cea de Nadal para os socios da Asociación.

O evento comezará ás 21:30 h e hai que vir preparado para cantar, bailar e convivir nunha agradable xornada.

A data límite para apuntarse será o domingo 14 ás 23:59 h e só será permitido o apuntamento de socios/as.

Menú

• Picoteo
• 1º prato: gambóns
• 2º prato: carne asada
• sobremesa: cacahuetes e panetone

Viño, auga e refrescos por conta da Asociación.

 

Día 14/12/2025 — 16:30 h

Local de Lar de Unta

O vindeiro 14 de decembro, a partir das 16:30 horas,  celebraremos no noso local un obradoiro para a realización de MAZAPÁN.

O nivel é de iniciación, polo que non hai que ter coñecementos previos, e sí moita vontade de participar.  Sairemos do mesmo co un doce exquisito para degustar nas nosas casas e poder facer algo diferente e caseiro para a sobremesa deste Nadal.

O custo é de 3 euros para socios e de 5 euros para non socios. Aforo máximo de 20 persoas.

Apuntamentos ata as 23:59 h do mércores día 10 de decembro enviando un mail a lardeunta@gmail.com.

 

 

 

Día 13/12/2025 — 12:00 h

Local de Lar de Unta

Tras o aprazamento do mes pasado, retomamos a conversa con Cosme Damián.

Nesta nova edición das Conversas no Lar teremos connosco a Cosme Damián Romay. Este veciño de Requián  forma parte do Grupo Naturalista Hábitad.  Licenciado en bioloxía pola USC, ten o diploma de estudos avanzados pola UDC e estudos de doutoramento en taxonomía e bioxeografía de aves de Galiza.

Con Cosme teremos unha agradable conversa sobre o patrimonio natural betanceiro e do resto da contorna.

Como sempre esta charla será retransmitida en directo a través da canle de facebook do Lar de Unta e posteriormente subida á nosa canle de youtube.

Día 29/11/2025 — 12:00 h

Local de Lar de Unta

Nesta nova edición das Conversas no Lar teremos connosco a Oscar Gilsanz.

Dende a empresa familiar Transporte Gilsanz, levan 6 décadas adicados ao tranporte de viaxeiros por estrada. Este veciño de Betanzos foi entrenador do Deportivo da Coruña ata a tempada pasada, logrando afianzar ao equipo na segunda categoría do fútbol español.

Repasaremos relaxadamente con el a súa experiencia na dirección do equipo así como os novos retos persoais que se lle presentan.

Como sempre esta charla será retransmitida en directo a través da canle de facebook do Lar de Unta e posteriormente subida á nosa canle de youtube.

Día 20/11/2025 —  20:00 h

LOCAL DE LAR DE UNTA

Nesta xornada temos con nós a Tino Chao, que nos falará de Antonio Machado no ano que se cumpren 150 aniversario do seu nacemento, coa conferencia titulada “A palabra no Tempo”.  Faremos unha lembranza deste autor tan importante das letras españolas.

Tino Chao, mestre xubilado, é un dos especialistas galegos no Camiño de Santiago. A súa vida profesional transcorreu por diversos institutos de Galicia, estando asentado na actualidade en Betanzos de onde é natural.

 

Día 15/11/2025 — 12:30 h

Local de Lar de Unta

Nesta ocasión teremos con nós a dous referentes do noso país. Nunha xornada especialísima, teremos con nós ao polifacético artista Xurxo Souto, quen conversará co Padrón, xastre e persoeiro betanceiro coñecedor de toda a historia popular da nosa vila.

Neste encontro xurdirán historias da nosa vila, da música, anécdotas e vivencias de moitos anos pasados que nos farán lembrar bos tempos dun xeito agradable.

O evento será retransmitido polo facebook do Lar de Unta e posteriormente subirase á canle de youtube.

 

 

 

Día 09/11/2025 — 12:00 h

Local de Lar de Unta

Nesta nova edición das Conversas no Lar teremos connosco a Cosme Damián Romay. Este veciño de Requián  forma parte do Grupo Naturalista Hábitad.  Licenciado en bioloxía pola USC, ten o diploma de estudos avanzados pola UDC e estudos de doutoramento en taxonomía e bioxeografía de aves de Galiza.

Con Cosme teremos unha agradable conversa sobre o patrimonio natural betanceiro e do resto da contorna.

Como sempre esta charla será retransmitida en directo a través da canle de facebook do Lar de Unta e posteriormente subida á nosa canle de youtube.

 

Día 08/11/2025 — 10:00 h

Saída ás Setas e Cogumelos

10:00 h PUNTO DE ENCONTRO:
BAR VÁZQUEZ en Saavedra Meneses
Desprazamento en vehículos particulares
Até os montes de Irixoa e Aranga
(EN CASO DE CHOIVA SUSPENDERASE)

20:30 h XORNADA MICOLÓXICA
LOCAL DE LAR DE UNTA
Coas setas e cogumelos recollidos realizaremos
explicacións sobre as diferentes especies.

Apuntamentos: lardeunta@gmail.com

DIA 8/11/2025 — 12:30 H

Local de Lar de Unta

O próximo día 8 de novembro, ás 12:30 horas,  imos celebrar na Asociación Lar de Unta unha conferencia coa presenza de Carlos Solla, co título: “Betanzos, berce do rugby penitenciario español”.

A continuación, ás 13:30 horas,  tomaremos un vermú para dialogar entre todos os presentes e que sirva de encontro de toda a xente relacionada de algún xeito co CLUB DE RUGBY DE BETANZOS.

Rememoraremos vellos tempos e visualizaremos algunha das fotos históricas do noso clube.

A xente que conte con fotos desa época e queira compartilas pode envialas por wathsapp ao 6220591032.

Pregamos a máxima difusión.