Categoría: Noticias

DÍA 12/02/2026 — 20:00 h

LOCAL DE LAR DE UNTA

No cineclube no mes de febreiro proxectaremos o documentario Fíos Fora. Neste documental de Illa Bufarda trátanse os fíos que moven o sector textil dende unha óptica afastada do triunfalismo e dando o punto de vista dos traballadores. Como sempre, a continuación faremos o habitual debate.

Unha produción de Illa Bufarda, proxecto cooperativo adicado ao audiovisual que amosa a súa grande creatividade  neste documental.

Por moi finos que sexan, detrás de tódolos fíos que nos rodean hai historias. As mulleres galegas que traballaron no sector téxtil dende os 60 foron a man de obra perfecta e cautiva para erguer unha industria xigante que agora se atopa deslocalizada. Este documental fai un novelo do sector téxtil aquí e fóra, antes e agora. A historia repítese nos fíos doutros lugares, nos nós deste sistema.

Un éxito que agora re-visitamos sen que perda actualidade.

 

LOCAL DE LAR DE UNTA

Como todos os anos celebraremos o Entroido na nosa asociación con unha programación propia así como na participación en todos os eventos que neste días acontecen en Betanzos

Día 15/02/2026 — 18:30 h OBRADOIRO DE FILLOAS E ORELLAS

Día 16/02/2026 — 21:30 h CEA DE COCIDO E FESTA DE DISFRACES

Este ano invitamos novamente aos socios a disfrazarse do que estimen apropiado para poder disfrutar entre todos dun Entroido alegre e divertido. Como sempre tras a cea, haberá baile e festa rachada.

 

VENRES 23/01/2026 — 20:00 h

CINE ALFONSETTI

Estreamos nesta ocasión o  filme de Carlos Amil, “A Casa da Luz” no Teatro Alfonsetti de Betanzos en colaboración co Concello de Betanzos.

Este filme foi rodado en Betanzos e finalizouse no ano 2010. E unha adaptación da novela homónima de Xabier Docampo e Obtivo o premio do público infantil na 5ª edición do Festival Internacional de Cinema para nenos de Galicja, celebrado no 2012

A continuación da proxección teremos un coloquio contando coa presenza do director, Carlos Amil, e do produtor da película, Xoan Xosé Cabanas Cao.

A CASA DA LUZ

A casa da luz recolle a aventura dunha panda de rapaces e rapazas que entran en contacto co mundo da arte e da memoria da guerra dun tempo pasado. Unha aventura que vai acabar por modificar a súa forma de estar no mundo e que constitúe unha reivindicación, tamén, da beleza e da arte. Os cadros que atravesan os protagonistas, obra de grandes pintores como Dalí, Escher ou Palo Ucello, son recreados no libro polo ilustrador Xosé Cobas, empurrando ao lector novo de forma irresistible cara ao mundo da arte.

 

DOMINGO 11/01/2026 — 12:00 h

LOCAL DE LAR DE UNTA

Para inaugurar o ano 2026 temos con nós a tres das Pesquedellas que conforman este proxecto cultural que está a renovar a cultura betanceira e poñendo en valor a cultura propia dende un ponto de vista xove e renovado.

Noelia Fraga, Gala Illanes e Sara Fraga estará representando á Asociación e falarannos de como iniciaron a súa andaina, da recuperación dos Xogos Florais e dos seus proxectos de futuro.

Asemade falaremos de como vemos a cultura betanceira e galega dende o seu ollar xa experimentado.

 

Comezo: Luns 12/01/2026

Hora: 20:00 horas 

A Asociación Lar de Unta, no seu ánimo de promoción do galego ten a ben organizar un grupo de conversas en galego entre xente interesada.

Se chegache hai pouco ao pais e queres aprender o noso idioma, se es galego e non te atreves a dar o paso de falar galego por non sentirte seguro ou ter medo a iniciarte, se sabes falalo pero queres practicalo mais a miúdo podes apuntarte a este grupo de conversas nas que falaremos de diversos temas cada semana nun ambienta agradable e tranquilo.

Non é un curso, é unha aprendizaxe amena e práctica que facilita obter confianza dunha maneira divertida, coñecendo de paso aspectos curiosos e importantes da nosa cultura.

Para apuntarse enviar mail a lardeunta@gmail.com

 

Día 16/12/2025 — 19:30 h

Local de Lar de Unta

Neste mes o cineclube Lar de Unta proxecta o filme “Adeus Berta” en presenza dun representante da produtora Kraken Media.

Este filme do ferrolán Fernando Tato, cóntanos a historia de Alicia cando chega a casa de seus pais á A Pobra do Caramiñal para elexir a roupa que levará a súa nai no velorio. Alí reencóntrase coa súa irmá Berta, que acaba de saír do centro de rehabilitación onde está ingresada.

Unha mostra do novo cinema galego que Lar de Unta ten o gosto de presentar na nosa vila.

Como sempre, tras a proxección haberá un coloquio entre os presentes.

Día 20/12/2025 — 21:30 h

Local de Lar de Unta

Como todos os anos imos celebrar o vindeiro día 20 de decembro a Cea de Nadal para os socios da Asociación.

O evento comezará ás 21:30 h e hai que vir preparado para cantar, bailar e convivir nunha agradable xornada.

A data límite para apuntarse será o domingo 14 ás 23:59 h e só será permitido o apuntamento de socios/as.

Menú

• Picoteo
• 1º prato: gambóns
• 2º prato: carne asada
• sobremesa: cacahuetes e panetone

Viño, auga e refrescos por conta da Asociación.

 

Día 14/12/2025 — 16:30 h

Local de Lar de Unta

O vindeiro 14 de decembro, a partir das 16:30 horas,  celebraremos no noso local un obradoiro para a realización de MAZAPÁN.

O nivel é de iniciación, polo que non hai que ter coñecementos previos, e sí moita vontade de participar.  Sairemos do mesmo co un doce exquisito para degustar nas nosas casas e poder facer algo diferente e caseiro para a sobremesa deste Nadal.

O custo é de 3 euros para socios e de 5 euros para non socios. Aforo máximo de 20 persoas.

Apuntamentos ata as 23:59 h do mércores día 10 de decembro enviando un mail a lardeunta@gmail.com.

 

 

 

Día 13/12/2025 — 12:00 h

Local de Lar de Unta

Tras o aprazamento do mes pasado, retomamos a conversa con Cosme Damián.

Nesta nova edición das Conversas no Lar teremos connosco a Cosme Damián Romay. Este veciño de Requián  forma parte do Grupo Naturalista Hábitad.  Licenciado en bioloxía pola USC, ten o diploma de estudos avanzados pola UDC e estudos de doutoramento en taxonomía e bioxeografía de aves de Galiza.

Con Cosme teremos unha agradable conversa sobre o patrimonio natural betanceiro e do resto da contorna.

Como sempre esta charla será retransmitida en directo a través da canle de facebook do Lar de Unta e posteriormente subida á nosa canle de youtube.

Día 29/11/2025 — 12:00 h

Local de Lar de Unta

Nesta nova edición das Conversas no Lar teremos connosco a Oscar Gilsanz.

Dende a empresa familiar Transporte Gilsanz, levan 6 décadas adicados ao tranporte de viaxeiros por estrada. Este veciño de Betanzos foi entrenador do Deportivo da Coruña ata a tempada pasada, logrando afianzar ao equipo na segunda categoría do fútbol español.

Repasaremos relaxadamente con el a súa experiencia na dirección do equipo así como os novos retos persoais que se lle presentan.

Como sempre esta charla será retransmitida en directo a través da canle de facebook do Lar de Unta e posteriormente subida á nosa canle de youtube.