Categoría: Noticias

Día 24/04/2025 — 19:00

Local de Lar de Unta

Este día 24 teremos no Cineclube de Lar de Unta unha xornada especialmente reflexiva sobre un dos dereitos mais cuestionados pola situación actual: o dereito á vivenda.

Reflexionaremos sobre o asunto vendo o documental “A Vivenda: Un Ben Social ?” de Sagrario Fernández e de Xosé A. Bocixa. Este documental do ano 2020 trata o problema da vivenda dende un punto de vista galego.

Posteriormente celebraremos o habitual coloquio coa presenza da directora, Sagrario Fernández, e con Bieito Lorenzo, socio de Lar de Unta e membro da Rede Renda Básica Universal – RBU.

A peza A vivenda, un ben social?, é un documental do Colexio Oficial de Traballo Social de Galicia (COTSG), que dirixiu a traballadora social lucense Sagrario Fernández. A parte técnica foi desenvolvida por Xosé Bocixa. A peza aborda o dereito a un fogar digno en Galicia desde a ollada do Traballo Social.

Día 12/04/2025 — 12:00 h

Local de Lar de Unta

Nesta ocasión conversaremos con Pedro Galilea, director da Fundación CIEC. Falaremos sobre o a presencia e importancia da Fundación en Betanzos, os seus fondos, sobre Jesús Núñez e o seu legado así como a súa visión para o futuro da mesma na nosa vila.

A Fundación CIEC realiza numerosas actividades e iniciativas entre as que destacan a formativa e a expositiva. A organización de cursos e talleres ao longo de todo o ano e a creación no 2003 do Máster da Obra Gráfica fálanos da importancia desta actividade así coma do número de profesoras/es, artistas e estudantes que teñen participado e o seguen facendo. A exhibición dos fondos da Colección, a realización de exposicións temporais, as visitas guiadas e as visitas didácticas para centros formativos e público en xeral, os talleres para nenas/os e a asistencia a feiras de arte contribúen notablemente ao mellor coñecemento e difusión da arte gráfica e das/os artistas. A isto hai que sumar as publicacións, edicións, conferencias, presentacións de libros, concertos e demás eventos que converten á Fundación CIEC nun referente da Gráfica contemporánea.
Dende 2006 recoñécese esta labor e a do seu Presidente coa creación do Premio Internacional de Arte Gráfica Jesús Núñez que convoca a Deputación da Coruña.

Día 30/03/2025 — 11:00 h

LOCAL DE LAR DE UNTA

O vindeiro domingo celebraremos a nosa Asemblea Anual. Esta asemblea será doble: a primeira terá o carácter de ordinaria (para tratar os temas destacados do ano e aprobar as contas anuais) e comezará ás 11.00 h da mañá en primeira convocatoria.

A segunda asemblea terá o carácter de extraordinaria e nela procederemos á escolla da nova directiva.

Facemos un chamamento á participación e en caso de non estar presente que transmitades á directiva actual os asuntos que estimades que se deben de tratar para poder consensualos entre todos nesta ocasión.

DÍA 29/03/2025 — 12:00 H

LOCAL DE LAR DE UNTA

Unha nova edición de Conversas No Lar co médico betanceiro Antonio Asensi Pernas.

Médico graduado pola Universidade de Santiago de Compostela, exerceu a medicina de familia durante mais de 40 anos desenvolvendo boa parte dela na nosa vila.

Falaremos con el da súa traxectoria vital e profesional. Ilustraranos sobre cómo visualiza el a nosa vila e as ideas que pode aportar para unha vida mais acaída.

A conversa será retransmitida polo Facebook de Lar de Unta e colgada posteriormente na nosa canle de youtube.

DIA 26/03/2025 — 19:30 H

LOCAL DE LAR DE UNTA

O vindeiro día 26 teremos a presentación do libro de Paulo Naseiro “Speechwriter”.  Esta publicación de 2025 adéntranos nun mundo de ficción que nos fai reflexionar sobre o sentido da vida.

O propio autor estará con nós explicándonos detalles da súa obra e de cómo foi a xénese da mesma.

Sinopsis de SPEECHWRITER:

DIA 22/03/2025 —  19:30 h

LOCAL DE LAR DE UNTA

O vindeiro sábado teremos unha nova xornada especial do Cineclube Lar de Unta.

Proxectaremos o documental “O Aparecido” do director José Antonio Jiménez. Este documental xira arredor de Manuel Antonio e é unha aproximación á súa vida e obra.

SINOPSE :

No ano 1981, un feixe de rapaces cearon unha curtametraxe de ficción, en Super 8  milimetros, sobre a vida do poeta Manoel
Antonio.
Esa curtametraxe extraviouse, pero a o  aparecer no ano 2020, retomamos a súa  historia e mostramos neste Documental “O  Aparecido” como se fixo, porqué se fixo e o  moveménto artístico teatral que acontecia na  cidade da Coruña naqueles anos, coas  entrevistas a os actores participantes Santiago  Prego, Victor Mosqueira, Francisco Jorquera,  Victor Barús e Luisa Veira entre outros.

A Asociación Lar de Unta apoia a manifestación en apoio do galego do vindeiro día 23 de febreiro ás 12:00 horas en Compostela.

Dende a nosa Asociación consideramos que o galego ten futuro e traballamos para que a normalización sexa real.  Por ilo, apoiamos á Plataforma Queremos Galego para chegar a un grande acordo que garanta o futuro da nosa língua.

A actual política linguicida do galego non funciona e necesitamos unhas novas medidas que a plataforma ten explicitado no seu manifesto que nos apoiamos e compartimos.

Mudemos o Rumo. O galego ten futuro

Día 21/02/2025 — 18:30 a 20:00

AULA XULIO CUNS do EDIFICIO ARQUIVO

Lar de Unta estará presenta na homenaxe a Rosalía de Castro que organiza a Asociación Eira Vella de Betanzos xunta co Concello.

Nesta xornada homeanexarase á poetisa e figura senlleira do noso pais, que marcou un antes e un despois na nosa cultura e no compromiso polos menos favorecidos do noso pais.

Socias de Lar de Unta concorrerán á homenaxa para ler uns versos e dicir unha palabra na honra de Rosalía en nome de toda a Asociación.