Noticias da Asociación
O día 10/8/2024 comezamos un novo proxecto da Asociación Lar de Unta. As Conversar no Lar serán pequenos faladoiros retransmitidos polas redes sociais do Lar de Unta (Facebook) que servirán para recoller o testemuño de persoas do común da nosa vila.
Empezamos a primeira con Francisco Pita Buyo, colaboradora durante décadas na elevación do Globo de Betanzos.
A Asociación Lar de Unta conformouse no seu día a partir dun pequeno equipo de fútbol chamado Fonte de Unta que derivou na Asociación Gastronómica, Cultural, Xuvenil e Deportiva que é na actualidade.
Como homenaxe a ese primixenio equipo temos a ben organizar un torneo no pavillón municipal o día 27/07/2024.
10:00 h PRIMEIRA SEMIFINAL
11:00 h. SEGUNDA SEMIFINAL
12:15 h. GRAN FINAL
14:30 h. CONVITE NO LOCAL DE LAR DE UNTA
Posteriormente no noso local haberá un convite a todos os equipos participantes e convidados que se queiran achegar.
Bo día
Axuntamos calendario de xornadas de traballo para preparación do local para a Feira Medieval.
Os venres e sábado as xornadas comezan ás 20:00 h
A semana da Feira as xornadas de montaxe do posto exterior comezan ás 19:00 h.
Cada socio pode concorrer de acordo coa súa dispoñibilidade mais necesitamos da colaboración de todos nestes intres.
Recibide un cordial saúdo.
A DIRECTIVA DE LAR DE UNTA
A Asociación Lar de Unta de Betanzos adica as IV Xornadas Irmandinhas que celebra cada ano antes da Feira Medieval á obra “Crónica Troiana”.
Está en galego e é obra de Fernán Martís, clérigo e capelán de Fernán Pérez de Andrade, que foi quen ordenou a súa feitura.
As xornadas celebraranse entre o 10 e 16 de xuño na súa primeira fase aínda que hai previsto algún acto de posta en valor da obra durante a celebración da XXV Feira Medieval de Betanzos. Consideramos dende a nosa asociación que feitos deste tipo son os que converterán á nosa Feira Medieval en algo único e promoverán a súa viabilidade a longo prazo.
Con esta celebración intentamos que Betanzos sexa consciente da xoia que representa esta parte do noso pasado ao tratarse dunha peza única.
A programación consitirá en diversas conferencias, actuacións musicais así como un roteiro polo Betanzos de Fernán Martís.
| DATA | Evento |
| 11/06/2024
Martes 20:00 h |
Conferencia de Xosé Ramón Pena “A crónica troiana e a prosa medieval galega”.
Moncho Pena é catedrático de literatura galego-portuguesa da UVIGO e especialista en literatura galega medieval e contemporánea. É natural de Infesta. |
| 12/06/2024
Mércores 20:00 h |
Concerto “Ondas de San Simón” acústico de Fran Amil no local Lar de Unta.
Fran Amil é músico e revisitará nesta actuación dende cantigas medievais ata poesías musicadas de grandes poetas galegos. |
| 14/06/2024
Venres 19:30 h |
“A Crónica troiana no solpor da literatura galega medieval” por Xulio Pardo de Neyra nas Xornadas Irmandinhas.
Xulio Pardo é profesor de língua e literatura na UDC e historiador. Doutor por 4 universidades. Un dos escritores mais prolificos da literatura galega, con ducias de ensaios, novelas e poesia publicados. |
| 15/06/2024
Sábado 19:30 h |
Actuación da Agrupación Musical Carlos Seijo na Igrexa de Santa María (pendente de confirmación)
|
| 16/06/2024
Domingo 12:00 h |
ROTEIRO POLO BETANZOS DE FERNÁN MARTÍS |
| 16/06/2024
Domingo 13:00 h |
Sesión Vermú (1 euro) no Local de Lar de Unta. |
Convocamos a todos os socios a unha nova xornada de traballo no local.
Colocaremos as barras cara a Feira Medieval e limparemos e colocaremos o local.
Como todos os anos celebramos as lumeiradas no día mais longo do ano. O solsticio de verán e o
As 20.00 horas iniciaremos a preparación do lume purificador servirán para queimar todo o malo do ano pasado.
As 21.00 horas empezaremos a sardiñada.
Esta actividade está aberta a socios e invitados. O custo será de 5 euros (e de 10 euros para non socios). Incluirá sardiñas, churrasco, pan e viño. Os apuntamentos deben realizarse do xeito habitual (mail, wathsapp ou contacto con membro da directiva).
Como todos os anos a Asociación Lar de Unta programa diversas actividades polo día das Letras Galegas.
Esta ano están adicadas á figura de Luísa Villalta. Escritora nada na Coruña que é un dos referentes da nosa literatura finisecular.
A maiores da presentación do libro de Xurxo Souto o pasado 29 de abril aplicando o método Luísa Villalta, a Asociación realizará varios eventos co motivo da data das nosas Letras:
15/05/2024 —20:00 h — Cineclube Lar de Unta: Proxección do documental “Porta para o Exterior”.
17/05/2024 — 12:00 h — Cineclube Lar de Unta: Proxección do documental “O Diamante Galego”.
17/05/2024 — 13:00 h — Vermú pola Língua. Ven a darlle á nosa lingua no Lar de Unta.
A escritora Eva Teixeiro presentará este o día 02 de maio a súa obra “mapa.gal” no local da Asociación Lar de Unta de Betanzos. No evento contaremos coa propia autora así como coa tamen escritora Eli Ríos.
A súa nova publicación é un libro de poesía que, nas súas palabras, supón “unha aposta pola palabra, esa matria que habita o silencio, mentres a música da choiva envolve a chaira”.
A escritora luguesa conta que en xaneiro de 2016 sente que “a semente asenta e todo encaixa“. Soubo entón “que creara unha obra”, o poemario ‘mapa.gal’, que agora “percorre as rúas, nas mans e no bico da xente”.
O domingo 28 de abril, ás 12:00 h celebraremos unha sesión vermú coa presenza de Xurxo Souto presentado o seu libro “O Método Luisa Villalta”.
Este libro enmárcase nas conmemoracións polo día das letras galegas da Asociación Lar de Unta e consistirá nunha presentación, como todas as que fai Xurxo, con música, historias e bo ambiente.
Invitamos a todos aqueles que se queiran achegar ao Lar de Unta a participar neste evento con prezos populares (vermú a 1 euro).
O primeiro monumento da literatura galega son as cantigas medievais. Os “Cantares Gallegos” de Rosalía son o gran referente do Rexurdimento. Cantigas e cantares. Non obstante, a música sempre estivo ausente nas clases de literatura. En 1999 Luísa Villalta publicou “O outro lado da música, a poesía”, libro-referente, onde puxo en valor a mutua atracción que senten entre si ambas as dúas artes. Seguindo o seu método, penetramos na selva vizosa da música galega contemporánea para procurar esa unidade primixenia. E buscámola especialmente nas marxes, territorios case invisíbeis para o gran público, onde medra cada día o poder da creatividade.
Como lembranza e homenaxe á “Revolución dos Caraveis” de 1974 en Portugal, o Cineclube da Asociación Lar de Unto organiza a proxección do documental “25 minutos de uma revoluçao”.
Esta revolta abreu a porta ao cambio en toda a península ibérica supondo un aire novo que pronto se transmitiría ao noso pais.
Tras a proxección haberá o habitual coloquio.
