Eventos da Asociación
Asemblea Ordinaria e Asemblea Extraordinaria 2021 da Asociación Lar de Unta.
ORDE DO DÍA – ASEMBLEA ORDINARIA
ORDE DO DÍA – ASEMBLEA EXTRAORDINARIA
O vindeiro venres día 21/05/2021 Constantino Chao vai dar unha conferencia no local da Asociación Lar de Unta sobre as Lendas Galegas de Tradición Oral.
O acto celebrarase ás 20.00 horas cun aforo de 13 persoas e mantendo todas as medidas de seguridade (distancia e uso da máscara).
A Asociación Lar de Unta ten a ben poñer a dispor de toda a cidadanía a dixitalización de todos os números da revista O Poxigo editada por ela na primeira década do século.
Esta acción permitirá dispor de todos os números en formato PDF descargable de xeito que se pode acceder a todo o contido da nosa vella revista en calquera intre a traverso da páxina web na pestaña correspondente O Poxigo
Consideramos que é unha mostra de valorización do pasado da nosa asociación e reflicte toda unha época da sociedade betanceira a traverso das súas páxinas.
Este recurso presentarase no local da Asociación o vindeiro venres ás 20.00 horas coa comparecencia do primeiro e segundo director da revista nos seus sete anos de historia, Xabier Doporto e Bieito Lorenzo respectivamente.
O evento estará aberto a toda a cidadanía ata completar aforo de 13 persoas.
VENRES DÍA 16/04/2021 – ÁS 19:00 HORAS NO LOCAL DA ASOCIACIÓN LAR DE UNTA – Rúa Pescadería 3 – 15300 BETANZOS
O polifacético autor Xabier Gayoso, gañador do I concurso de relato curto de Samaín da Asociación Lar de Unta vai presentar o vindeiro venres no local da nosa Asociación o seu último libro “A lúa ouveada polo mundo”.
Este libro, escrito durante o confinamento, ven de converterse no número 1 de vendas en Amazón en galego.
Sinopse
Nunha pequena aldea galega atópase o anelo dun profesor: traballar nunha das mellores escolas experimentais do mundo.
Pronto descubrirá que o seu soño se converteu nun pesadelo.
A morte dunha nena obrígao a reconstruír o último curso nun relato no cal as vellas lendas e a Santa Compaña crúzanse cos acontecementos ocorridos en Tui durante a Guerra civil española.
STERIX O GALODIA 29/12/2020 — 19.00 HORAS.
José Ramón Togores Hernani, autor do libro “Adegas do viño do país, Betanzos. Unha tradición por reinventar” (2020) . Editorial A.C. Eira Vella, presentará o seu libro na nosa asociación.
Libro baseado no seu traballo de fin de mestrado, no cal entende que as Adegas do Viño do País son espazos familiares de consumo, propios da comarca de Betanzos, onde a poboación acude para degustar os viños locais procedentes do excendente de produción anual.
A continuidade desta tradición, símbolo do patrimonio vivo da comarca, atópase hoxe nunha situación de incertidume debido a que o número de persoas que a perpetúa tende a diminuir. O actual contexto socioeconómico e cultural parece demandar unha transformación da vitivinicultura local así como unha adaptación desta tradición á cultura moderna. A través dunha metodoloxía que combina diferentes técnicas cualitativas (revisión bibliográfica, recopilación de material de arquivo e documental, entrevista e observación participante) caracterizáronse as Adegas do Viño do País en funcionamento tratando de analizar a súa realidade dende o punto de vista dos seus protagonistas e reflexionando sobre as distintas formas en que esta tradición podería reinventarse para sobrevivir.
LA MATANZA CANÍVAL DE LOS GARRULOS LISÉRGICOSDía 28/12/2020 ás 17:00 horas Bieito Lorenzo nos falará sobre a Renda Básica universal nun acto mais inserido dentro dos Diálogos no Lar.
Nesta xornada divulgativa explicarase o concepto e alcance da Renda Básica Universal e poderase debatir sobre a mesma aclarando as cuestións que se prantexen.
Bieito Lorenzo é socio do Lar de Unta. Naceu en Vigo o 16-02-1956. É licenciado en Bioloxía (USC, 1978) e en Ciencias Políticas e Socioloxía (Uned, 2004), funcionario de administración local e membro do Colectivo pola Renda Básica de Betanzos.
Como colofón deste ano no que tan complicado se nos fixo poder intenter convivir cunha certa normalidade, todas as seccións do Lar de Unta despídense esperando que o novo ano nos permita recobrar todas as xuntanzas que nos facían disfrutar da compañía da familia e amigos sen ningún tipo de cortapisa.
Para rematar o ano presentamos catro actos que esperamos sexan do voso agrado.
Todos estes actos celebraránse de acordo ao protocolo de seguridade marcado polas autoridades, gardando a distancia de seguridade e co uso de máscara obrigatorio.
DIA 28/12/2020 — 17:00 h.
DIALOGOS NO LAR CON BIEITO LORENZO E A RENDA BÁSICA UNIVERSAL
DIA 28/12/2020 — 19:00 h.
CINECLUBE LAR DE UNTA: “Matanza Canibal dos Garrulos Lisérgicos”.
DIA 29/12/2020 — 19:00 h.
PRESENTACIÓN DE LIBRO. JOSÉ TOGORES HERNANI: “Adegas do Viño do Pais, Betanzos. Unha tradición por reinventar”.
DIA 30/12/2020 — 19:00 h.
CINECLUBE LAR DE UNTA: “Asterix o Galo”.
O vindeiro día 27/12/2020 ás 11:30 horas en primeira convocatoria e ás 12:00 horas en segunda convocatoria, celebrarase Asemblea Extraordinaria no Local do Lar de Unta co seguinte orde do día:
Dada a importancia do tema primarase que os socios que o desexen poidan realizar a delegación do voto do xeito estipulado a traverso do documento existente na páxina web [ 2020-01 Impreso de Delegación de Voto ] .
Lembramos que o aforo máximo do local é de 20 persoas.
Recibide un cordial saúdo.
